ငွေထုတ်သူတိုင်း
လက်မှတ်ထိုးရမယ်ဆိုတဲ့ တာဝန်ခံစကားကြောင့် ဦးလေးပိုစိတ်ဆိုးမိတော့သည်။
လောပန်ဆီမှာ ဦးလေးပိုအလုပ် လုပ်လာခဲ့တာဖြင့်နှစ်ချို့နေပြီ။ ငွေရေးကြေးရေး
ကိစ္စမိမိတာဝန်ယူ လုပ်ကိုင်ရတဲ့ကိစ္စဝိစ္စမှန်သမျှ တခါမှချွတ်ချော်တိမ်း စောင်းခြင်း
လွဲမှားခြင်းစာရင်းအင်း ကွာဟခြင်းအလျင်းမရှိခဲ့ချေ။ မီးဖိုချောင်စားဖိုမှုးအဖြစ်
အလုပ်စဝင်ခဲ့သော ဦး လေးပိုသည် အချက်အပြုတ်ထက် လောပန်၏လူယုံအဖြစ်
ယုံကြည်မှုရခဲ့ပြီး လုပ်ငန်းလိုအပ်ချက် ပစ္စည်းပစ္စယ အဝယ်တော်အဖြစ် ငွေပေးငွေယူငွေလွှဲ
အလုပ်ကိုသာလုပ်ပေး ကိုင်ပေးရသည်များ၏ လောပန်း၏အနီးကပ် လူယုံမို့ပင် လုပ်ကွက်ရှိ
အလုပ်သမားတိုင်းအတွက် ဦးလေးပိုသည် အရာရောက်သည်။ လေးစားကြသည်။ အရေးတယူနှင့်
ရိုသေတန်ကြသည်။
အသစ်ရောက်လာသော
ဆိုက်တာဝန်ခံထံ လောပန်းခရီးသွားခိုက်တွင် လုပ်ငန်းကိစ္စအတွက် ငွေထုတ်
ဖို့အရေးဦးလေးပို ကြုံတွေ့လာ၏ ဆိုက်တာဝန်ခံအသစ်ကလည်း လောပန်းမှာကြားသည့်အတိုင်း
ငွေထုတ်လျှင်လက်မှတ် ထိုးပေးရမည်ဆိုသည်။ ငွေကြေးနှင့်ရော အခြားခြားအရေးနှင့်ပါ
လက်မှတ်မထိုးဖူးသော မထိုးရသောဦးလေးပို သည် ငွေနှစ်သိန်းထုတ်ယူဖို့အတွက်
လက်မှတ်ထိုးစရာ အကြောင်းမရှိဖူးထင်သည်။ နှစ်နှစ်လလ မိမိလုပ်သက် တလျှောက်
လက်မှတ်မထိုးခဲ့ရ အခုခါမှမည်သို့နည်းဟု မြည်တွန်းတောက်တီး၍ ဆိုက်တခုလုံး
ပွက်လောရိုက် အောင် ဒေါဖောင်းမိ၏ ထုတ်ပေးရင်ပေး မပေးရင်ငွေလည်း မထုတ်အလုပ်လည်း
မလုပ်နေမည်ဟု ဆန္ဒပြ၏ လုပ်သားများကလည်း ဦးလေးပိုနှင့်ဆိုက်တာဝန်ခံ အသစ်တို့အရေးကို
ရယ်သွမ်းကြ၏ တစ်ရက်မှသုံးရက်တိုင် သောအခါ စိတ်ဆိုးတဲ့ ဦးလေးပိုအထုပ်ပြင်၍
အိမ်ပြန်ဖို့ပြင်၏ ဆိုက်ထဲမှတစ်ယောက်ယောက်က အကြောင်း ကြား၍အသိပေးသောအခါ
မုံရွာရောက်နေသော လောပန်းမှဖုန်းဆက်၏ လောပန်းဖုန်းဆက်သောအချိန် ဆိုက်
ရှိတဲ့မှန်ပြင်ရွာမှ လိုင်းလှေဖြင့်ချင်းတွင်းမြစ် ကြောင်းတိုင်းခန္တီးမြို့သို့
ဦးလေးပိုလိုက်ပါသွားပြီ။
လူဆိုတာမျိုးက
မိမိကိုအလေးပေး အရေးတယူရှိသည်ကို လိုချင်ကြသည်မဟုတ်လား။ မိမိကိုလောပန်းယုံ
သည်ဆိုသော အချက်တခုကပင် ဦးလေးပိုလိုလူမျိုးအတွက် ကျေနပ်ဂုဏ်ယူစရာပင်။
ညဏ်နိမ့်ပါးသူမို့ ရိုး ဂုဏ်ဖြင့် သစ္စာရှိရှိသူ့အခစား သူ့ဝန်ထမ်းခြင်းဖြင့်
မိမိနည်းတူလုပ်သားများ အလယ်ဂုဏ်မြင့်ချင်ပါသည်။ ယခုမကြီးမငယ် အသက်အရွယ်နှင့်
ဦးလေးပို စိတ်ကောက်တော့သည်။
အထာမနှပ်တဲ့တာဝန်ခံ
အသစ်ကိုလောပန်းတို့ လင်မယားမဆူအားချေ။ ခန္တီးအိုအေစစ်တည်းခိုခန်း ပိုင်ရှင်ထံသို့
လည်းကောင်း၊ စိုးစံစတိုးသို့လည်းကောင်း ဖုန်းကြိုဆက်၍ ရှော်တယ်ဆိပ်မှာ
စောင့်၍ဦးလေးပိုကို ခေါ်ထားပေး ရန်နှင့် မိမိတို့ထံဖုန်းပြန်ဆက်ရန် ဆိုစေရ၏
စိတ်ဆိုးသွားသော ဦးလေးပိုကဖုန်းလည်း ပြန်မဆက်ငွေလည်း အပိုမပါပဲ အဝတ်စားအထုပ်ငယ်ဖြင့်
နက်ဖြန်ရှော်တယ်နှင့် ခရီးဆက်မည်သိသော လူရင်းတို့က အကြောင်းပြန် တော့
ငွေဆယ်သိန်းဦးလေးပိုကို ပေးလိုက်ပါရန် လောပန်းတို့အကူညီ တောင်းရသည်။
ဆယ်နှစ်ဆယ့်ငါးနှစ် မိမိတို့ထံရိုကျိုး၍ တာဝန်သိသော အကျိုးပြုသော
ဝန်ထမ်းကောင်းလူယုံကြီးမို့ မျက်နှာလွှဲ၍မရ ပူရသည်ပန်ရ သည်။
(ရှော်တယ်=
ရှပ်ပြေးသံခွံ့စက်လှေ)
ဟုမ္မလင်းသို့စုန်မည့်
ရှော်တယ်လိုင်းမထွက်ခင် ဦးလေးပိုကိုရှာ၍ ငွေပေးကြသော်လည်း လက်မခံပဲဟုမ္မလင်းသို့
စုန်သွားလေ၏ လောပန်းတို့စိတ်ညစ်ရပြီ။ ဟုမ္မလင်းမြို့ခံ အသိမိတ်ဆွေများကို
ထပ်အကူညီတောင်း ကြပြန် သည်။ သို့ကြောင့် ညနေငါးနာရီခွဲ ဟုမ္မလင်းဆိပ်ကမ်းသို့
ခန္တီးအစုန်ရှော်တယ် ကပ်တော့ဆိပ်ကမ်း တာဝန်ခံတို့ က အော်လံဖြင့် စိတ်ဆိုးလာတဲ့
ဦးလေးပို စိတ်ဆိုးလာတဲ့ ဦးလေးပိုဟု အော်ရှာကြတော့သည်။ ကုန်ပစ္စည်းဝယ် ယူရင်း
မျက်မှန်းတန်းခင်မင်တဲ့ ဆိုင်ရှင်တို့က ဆိပ်ကမ်းတွင်လာစောင့်၍ ငွေဆယ်သိန်းကို
အတင်းထိုးပေးကြ သည်။ ငွေယူ၍သွားချင်ရာ သွားချေမယူပဲမနေပါနှင့်ဟု
ဝိုင်းပြောဆိုကြသည်။ လောပန်းတို့အပြစ် တင်ကြလိမ့် မည်ဟုဆိုကြတော့
တခါနှစ်ခါအားနာသော ဦးလေးပိုငွေဆယ်သိန်းကို လက်ခံ၍နောက်နေ့ ရှော်တယ်ဖြင့် ဆယ်
ဆင်းသို့ ထပ်ခရီးဆက်၏
စိတ်ဆိုးတာရော
စိတ်ပျက်ခြင်းပါ ရောထွေး၍စိတ်လေ သွားသောဦးလေးပို ဆယ်ဆင်းတာမခန် (ကချင်ပြည်
နယ်)သို့ တိုင်အောင်ရောက်ပေါက်ရာ လျှောက်သွား၏ အိမ်လည်းမပြန်ချင်ဖြစ်၏
မိမိကျောခိုင်းခဲ့ရာ ဆိုက်ကို လည်းသတိရ၏ ငွေကြေးအတန်သင့် စုမိဆောင်းမိရှိသော်လည်း
နှစ်များစွာလက်တွဲလာသော အလုပ်ရှင်နှင့် လုပ်ဖော်ကိုင်ဖက်များကို မခွဲချင်ဖြစ်ပြီး
အထူးခင်တွယ်နေမိသော ဦးလေးပိုပင်။ လောပန်း၏သားသမီးများနှင့် လည်းရင်းနှီး၏
မိမိသားသမီးများနှယ် ခင်တွယ်ရင်းဦးလေးပို မခွဲနိုင်မခွာရက်ဖြစ်၏ တဖက်တွင်လည်း
လောပန်း ၏ မိမိသည်လူယုံဟု ဝင့်ကြွားစွာခံစားရ၏ လောပန်း၏ အကြောင်းကျိုးတိုင်ပင်မှုကို
ကျေနပ်မိ၏ သို့ကြောင့်ပင် အလုပ်ထွက်၍ ကိုယ်ပိုင်တနိုင်တပိုင် စီးပွားရေးရောင်းရေး
ဝယ်တာလုပ်ကိုင် စားသောက်မည်ဟု ရည်ရွယ်ထား ပါသော ဆုံးဖြတ်ချက်ကိုပြင်ကာ
လောပန်းထံမှမခွာဖြစ်ခဲ့ချေ။
သို့နှင့်လဝက်ခန့်
စိတ်လေပြီး မိမိတွင်ပါလာသော ငွေသားဆယ်သိန်းသည်လည်း တစတစပွန်းပဲ့ခါ သိန်းဂဏန်း
သာသာကျန်ကာမှ ဦးလေးပိုစိတ်ပြယ်ပြီး မိမိခင်တွယ်ရာ ရွှေမှော်ဆိုက်သို့ ခရီးတပတ်လည်
ခြေဦးပြန်လှည့်မိ လေသည်။ ဦးလေးပိုပြန်လာပြီ ဦးလေးပိုပြန်လာပြီဟု မှော်ထဲမှ
ဝမ်းသာအယ်လဲ နှုတ်ခွန်းဆက်ခရီးဦး ကြိုဆိုသံနှင့်အတူ ဦးလေးပို၏ လုပ်ငန်းခွင်ပြန်ဝင်
ခရီးလှပခဲ့သည်။ စိတ်ဆိုးစရာမဟုတ် ဘာလို့စိတ်ဆိုးရတာလဲ နောက်အဲသလို မလုပ်ပါနှင့်ဟု
လောပန်းတို့လင်မယားမှ ခေါ်ဆူ၏ ထိုသို့ခေါ်ဆူခြင်းကပင် ဦးလေးပိုကို စိတ်ကျေနပ်စေသည်
မဟုတ်လား။
သို့သော်........
အချိန်၊
ငွေနှင့် စိတ်ဆိုသည်မှာ မိမိနှင့်မိမိပတ်ဝန်းကျင်၏ လောဘလှိုင်းတံပိုးတွေရဲ့
တွန်းတိုက်မှုဒဏ်ကို ကြံကြံ ခံနိုင်သည်မဟုတ်။ အနည်းနဲ့အများ ပြောင်းလဲခြင်းနှင့်အတူ
မမြဲသောသဘောတိုင်း ဖြစ်ပျက်သွားတတ်သည်မှာ ဖြစ်တတ်ခြင်းသဘောပင်။ ငွေသွင်းငွေလွှဲ
ငွေကျန်စာရင်းဇယားတွေကြား ယုံကြည်မှုစည်းဘောင်ကို ငွေသား ၅၅၀သိန်းနဲ့ ဦးလေးပိုဖျက်ဆီးမိပြီ။
အဝယ်တော်တာဝန်ယူပြီး
လုပ်ငန်းကိုင်တာများကို လုပ်ရင်းကိုင်ရင်း လူအများနှင့် ဆက်ဆံပြောဆိုရင်း
အချိန်တွေကိုကျော်ဖြတ်ရင်းဖြင့် လောပန်းတို့မေ့သယောင် ရှိလေသော
ငွေကျန်စာရင်းကျန်များကို စုပြီးဖြစ် တည်လာသော ငွေ၅၅၀သိန်းကိုတဖက် ကုန်သည်တွေဆီမှ
လောပန်းတို့ထုတ်ယူခိုင်းသည်ဆိုရင်း ဟိုနည်းနည်း ဒီနည်းနည်းထုတ်ယူပြီး
ငွေထုပ်ပိုက်လို့ နောက်တကြိမ် မိမိခင်တွယ်ခဲ့သော အလုပ်ရှင် နှင့်
လုပ်ဖော်ကိုင်ဖက်များကို အားလုံးကိုကျောခိုင်းပြီး စွန့်ခဲ့ပြီ။
စိတ်ပျော်ရာကို လျှောက်သွားလေမလား။ ဒါမှမဟုတ် ထိုငွေတို့နှင့် ရောင်း ဝယ်လုပ်ကိုင်
စားသောက်လေမလား။ ဒါမှမဟုတ် တစစကုန်သွားပြီး မိမိစွန့်ခဲ့တဲ့နေရာဟောင်းလေးဆီ
ရှေ့မျက်နှာနောက်ထား၍ အမှားရဲ့ပြစ်ဒဏ်ကိုခံယူဖို့ ခြေဦးပြန်လှည့်
လာလေမလားဆိုသည်မှာ ဦးလေးပိုသာသိချေတော့မည်။
မောင်ဘကြိုင်
